გაიგეთ, როგორ გამოიყენოთ გენერაციული AI სამუშაო პროცესების გასამარტივებლად, დროის დასაზოგად და პროდუქტიულობის გასაზრდელად. კურსი აერთიანებს პრაქტიკულ ინსტრუმენტებსა და პასუხისმგებლიანი გამოყენების პრინციპებს, რათა შეძლოთ AI-ს შესაძლებლობების გამოყენება შედეგების გადამოწმებისა და მონაცემთა დაცვის გათვალისწინებით.

რას ისწავლით კურსზე?
• გენერაციული AI-ს საფუძვლები: რა არის გენერაციული ხელოვნური ინტელექტი და როგორ შეუძლია ორგანიზაციის ეფექტიანობის გაზრდა;
• მოდელებისა და ინსტრუმენტების შერჩევა: Claude, ChatGPT, Gemini, Copilot და სხვა ინსტრუმენტების მიმოხილვა. მათი შეფასება სამუშაო ამოცანის, ქართული ენის მხარდაჭერის, მონაცემთა უსაფრთხოებისა და ფასის მიხედვით;
• ეფექტიანი პრომპტების წერა: პრომპტის 5 ძირითადი კომპონენტი და პრაქტიკა საკუთარ სამუშაო ამოცანებზე;
• ასისტენტები და აგენტები: მრავალეტაპიანი ამოცანების დელეგირება, ადამიანის კონტროლი და მიღებული შედეგების გადამოწმება;
• დოკუმენტებთან მუშაობა: PDF ფაილებისა და ანგარიშების შეჯამება, შედარება და კორექტირება;
• მონაცემთა ანალიზი Excel-ში: ცხრილების შეჯამება და შედარება, გადახრების გამოვლენა და ანალიტიკური დასკვნების მომზადება;
• RAG და ორგანიზაციული ცოდნის ბაზა: საკუთარ დოკუმენტებზე დაყრდნობით პასუხების მიღება და AI-ს მიერ გამოგონილი ინფორმაციის რისკის შემცირება;
• ელფოსტის ავტომატიზაცია: წერილების დახარისხება, პასუხების მონახაზებისა და შაბლონების მომზადება, განმეორებადი კომუნიკაციის გამარტივება;
• კონტენტის შექმნა: პრეზენტაციების, ფოტოების, ვიდეოების, ლოგოებისა და ბანერების შექმნა AI ინსტრუმენტებით;
• AI-ს პასუხისმგებლიანი გამოყენება: კონფიდენციალურობა, პერსონალური მონაცემების დაცვა, ინფორმაციის გადამოწმება, საავტორო უფლებები, ანგარიშვალდებულება და ორგანიზაციაში AI-ს გამოყენების წესები.

სწავლების ფორმატი
შეხვედრები ჩატარდება ონლაინ, Google Meet-ის საშუალებით. კურსი მოიცავს პრაქტიკულ მუშაობას საკუთარ სამუშაო ამოცანებზე.

📅 თარიღები: 2026 წლის 9, 11, 14, 16 და 18 დეკემბერი
🕗 დრო: 20:00 საათიდან 22:00 საათამდე
💻 პლატფორმა: Google Meet
📚 მოცულობა: 5 შეხვედრა, თითოეული 2 საათი, სულ 10 საათი
💳 მონაწილეობის საფასური: 300 ლარი

მონაწილეობის მისაღებად შეავსეთ სარეგისტრაციო ფორმა.